«Қош, сүйікті Әліппем!»

«Қош, сүйікті Әліппем!»

Әліппемен қоштасу ертеңгілігі. 
Мақсаты: Оқушылардың әліппеден алған білімдерін ортаға салу. Оқушыларды ана тілі оқулығымен таныстыру және өзін-өзі басқаруға үйрету. 
Көрнекіліктер: Шарлармен безендіру,слайдтар, нақыл сөздер.

Жүргізуші мұғалім: 
-Құрметті ата-аналар,ұстаздар және оқушылар! Бүгінгі «Қош, сүйікті Әліппем!» атты мерекемізге қош келдіңіздер! Осыдан 4 ай бұрын мектеп табалдырығын қысыла да қызыға аттаған бірі отбасының тұңғышы,бірі кенжесі, ата-әжесінің сүйікті де еркесі болып жүрген ұл-қыздарымыз, өздерінің ең алғашқы оқулығы болған Әліппемен бүгін қоштасқылы отыр. 
-Ендеше, кішкентай бүлдіршіндеріңіздің білім өлкесіне қарай басқан алғашқы қадамдары құтты болсын! Сонымен «Қош, сүйікті Әліппем!» атты ертеңгілігіміздің кейіпкерлерін 1 «А, Б» сынып оқушыларына қол соғып, қошемет көрсетейік. 

Мұғалім: Балалар,мен сендерге бір сұрақ қояйын....

 Іші толған әріпке,

 Білімдегі жарық не ?

Оқушылар:  Ол сүйікті Әліппе!

Мұғалім: Олай болса,бәрімізге ең қымбат «Әліппені» ортаға шақырамыз.

Әліппе: (Әліппе әнін айтып кіреді)

- Армысыңдар жас достар!
Армысыңдар, ата - ана!
Болашаққа жол бастар,
Әліппең келді ортаға.
Жақсы білім көрімдік,
Болсын бізге халайық.
Не үйретіп, не білдік,
Қане, ортаға салайық!

Әліппеге арналған тақпақтар:

Гульназ:

Ең алғаш алғанымда Әліппені

Қызығып қарай бердім әріптерге.

Мен үшін жұмбақ болып қалар ма еді

Ұстазым оның кілтін алып берді.

Айбек:Әліппе-білім бұлағы,

Әліппе –өмір шырағы.

Әліппе-білім көзі,

Әліппе – мұғалімнің асыл сөзі.

Гульназ:Әке-шеше атын сен

Бізге үйреттің әліппе.

Бізге нағыз жақынсың

Сенен білдік әріпті.    
Айбек:Келгенде алғаш мектепке 
Білмеуші едік әріпте. 
Оқимыз қазір ертекті 
Үйреткен оны «Әліппе». 

Ән: «Әліппе» 

Мұғалім: Ерте, ерте ертеде, 
Ешкі жүні бөртеде, 
Орманда екі үй болыпты: біреуі көк, біреуі қызыл. Көк үйде дауыссыз дыбыстар, қызыл үйде дауысты дыбыстар тұрыпты. Олардың атасы «Әліпби» деген дана болыпты. Осы екі үйдің қызыл үйшіктегі әріптері дауыс шығарып көңілді тұрыпты да, ал көк үйдегі әріптер үнсіз өмір сүріпті. Мұны көрген Әліпби «Мен осы екі үйдегі әріптерді араластырсам не болар екен?» деп ойланып, араластырыпты. Сөйтсе, ғажап бір жайға куә болыпты. Әріптері сөйлей жөнеліпті. Осылайша әріптерден сөз, сөзден сөйлем пайда болыпты.

1. Қазақ тілінде қанша әріп бар? 
   (42) 
   4. У дыбысы қандай дыбыс? 
   (Дауысты да, дауыссыз да) 
   5. 2 дыбыстан тұратын әріптерді ата 
   (ю,я,ё) 
   6. Дыбыс бермейтін әріптер 
   (ъ айыру белгісі, ь жіңішкелік белгісі) 

1. Дыбыстар неше түрі бар?

(дауысты, дауыссыз дыбыстар)

1. Дауысты дыбыстар деп қандай дыбыстарды айтамыз?
2. Дауыссыз дыбыстар деп қандай дыбыстарды айтамыз?
3.   Сөз неден құралады? 
   (Буындардан, дыбыстардан, әріптерден) 

Ендігі кезекті осы әріптерге берейік. 

Ә  Айбек:

Таныстырар әріппен,

Мынау кітап әліппең,

Әліппе деген аты оның

Басталған ә әрпінен.

Ш    Гульназ:

Ш әрпін айтсақ жасырмай,

Үш аша айыр басындай.

Мұғалім:

- Рахмет, балалар! Міне, біз әліппені аяқтадық. Осы оқулықтан біз өз Отанымыз туралы көп оқып білдік. Ендігі кезекте Отанымыз туралы білгенімізді ортаға салайық.

- Балалар, біздің Отанымыз қай мемлекет?

- Біздің елбасымыз кім?